我有太多"包袱"野。我真係好憎d野不停增多到唔夠位擺。擺又冇用但又唔想扔掉。阻住晒呀吼!

今日去科學館。展板話冇咩特別回憶的日子會感覺過得特別快。都唔係丫。一時時啦。不過而家d時間真係一眨眼就過左。其實有時時間係可以用錢買到架。我覺得。

其實我真係好中意講屎尿屁。唔好意思我真係控制唔到呵。

有時真係講得太多野。有時真係蠢。

今日去歷史博物館。排隊買法國大革命飛時。有個姨姨用普通話同我話佢帶隊參觀但有d學生冇黎。叫我同印尼唔使買飛跟佢行唔好浪費左d位因為佢地係訂團體飛。同行仲有一個外國阿叔佢話佢之前o係poly教法文。佢同我地話is today your lucky day?。其實我今日最大目的係撩外國仔(不包括叔)。不過佢地都係好人。雖然唔識我地都唔想我地浪費錢。

我睇報紙睇到學聯搞一d巴士團。去北歐四國18日2萬8我都好想去。我睇到歐洲4國萬幾我都好想去。

今日去屈x氏俾sales姨姨纏住。叫我買一支600幾ge精華素。又話9 折再減100再送眼霜。佢又話我個鼻比塊面暗so要用佢支精華素。又話我額頭果d"xx"遲d會走埋落塊面度。所以用左就可以避免。佢應該以為係"色斑"。我就話"暗瘡印黎架喎"佢就話"都會"。如果暗瘡印自己會由額頭飄落塊面。都幾難以置信。